Ministri i Punëve të Brendshme të Shqipërisë, Taulant Balla ka përgëzuar Policinë e Shtetit pas operacionit anti-kanabis në Vlorë ku u asgjësuan 5 mijë bimë kanabisi.

Balla bëri të ditur se janë arrestuar tre persona në flagrancë, duke shtuar se siç e ka thënë që ditën e parë në detyrë se një rrënjë kanabisi nuk ka shans të rritet, pa një polic që paguhet për të mos e parë apo se një parcelë kanabisi nuk ka mundësi të vetme të korret.

“Përgëzime Policisë së Shtetit për operacionin anti-kanabis në Vlorë ku u asgjësuan 5 mijë bimë kanabisi, u sekuestrua një sasi e madhe kanabis dhe armë zjarri. Bashkë me tre personat e arrestuar në flagrancë si kultivues, janë proceduar penalisht edhe tre punonjës policie për mosveprim, pse jo dhe për bashkëpunim me keqbërësit. Siç e kam thënë që ditën e parë në detyrë se një rrënjë kanabisi nuk ka shans të rritet, pa një polic që paguhet për të mos e parë apo se një parcelë kanabisi nuk ka mundësi të vetme të korret, pa një shef që paguhet nga trafikantët për të mos e shkulur”, shkruan Balla në Facebook, duke e shoqëruar shkrimin edhe me pamje të aksionit./Arbresh.info/