Është arrestuar pak orë më par Klered Bozhanaj, 42 vjeç i dyshuari kryesor për plagosjen e një polici mbrëmë në Tiranë, Shqipëri.

Policia e Shqipërisë njofton se për kapjen e autorit, janë bërë kërkime intensive dhe në cilësinë e provave materiale është sekuestruar arma e zjarrit, që ka përdorur gjatë krimit, shkruan Arbresh.info.

“Në vijim të veprimeve kërkimore të kryera nga strukturat e DVP Tiranë, për kapjen e autorit të ngjarjes së ndodhur mbrëmjen e djeshme, shtetasit Klered Bozhanaj, 42 vjeç, i cili ka tentuar të vrasë me armë zjarri punonjësin e Policisë, inspektor E. A., ju informojmë se:

Gjatë kërkimeve intensive të zhvilluara për kapjen e shtetasit Klered Bozhanaj, strukturat e Policisë kanë lokalizuar dhe ndaluar autorin e dyshuar.

Në cilësinë e provës materiale është sekuestruar arma e zjarrit pistoletë, e përdorur gjatë krimit”, thuhet në njoftim./Arbresh.info