Arrestohet 39-vjeçari në Durrës duke shitur heroinë

11:14 | 18 Tetor 2020
Gita

Një 39-vjeçar në Durrës ka rënë në prangat e policisë për shpërndarje të drogave të forta në doza të vogla, ndërsa është shpallur në kërkim një tjetër.

Policia raporton se ka arrestuar shtetasi J. I., 39-vjeç, si dhe u bë shpallja në kërkim e shtetasit A. V., 30-vjeç, të dy banues në Durrës.

Arrestimi J. I. u bë pasi në afërsi të një lokali në rrugën “Aleksandër Goga” është kapur në flagrancë nga shërbimet e Policisë duke tentuar të heqë lëndën narkotike prej 12 porcionesh e llojit heroinë, në vendin ku ishte fshehur nga shtetasi A. V.

Në cilësinë e provës materiale u sekuestruan 12 porcione lëndë narkotike e dyshuar heroinë dhe 1 aparat celularë.

Materialet i kaluan Prokurorisë së Rrethit Gjyqësor Durrës për veprën penale “Prodhim dhe shitja e narkotikëve” kryer në bashkëpunim. /Ora News/