Dy shqiptarë dhe një italiane janë arrestuar nga policia italiane për shpërndarje të lëndeve narkotike.

Të tre këta persona ishin pjesë e një bande, që shpërndante kokainë në Vicenza në zonën Stanga.

Italiania Luisa Santini, 33 vjeç, nënë e një bebeje 2 muajshe, është pronarja e një bari në Vicenza. Ajo së bashku me të rinjtë shqiptarë, kushërinj mes tyre, Xhuljo Aliaj, 24 vjeç, i cili konsiderohej edhe kreu i grupit dhe Sokol Haderaj, 33 vjeç kishin organizuar një rrjet të trafikimit të drogës në zonë.

Gjatë aksionit të policisë u sekuestrua 1 kg kokainë, raportojnë mediet lokale. Një gram kokainë u shitej përdoruesve nga 60 në 100 euro.

Haderaj ishte personi që merrej me sigurimin e kokainës. Sipas autoriteteve italiane, ai e merrte drogën me makinë në Shqipëri. Përsa i përket shpërndarjes së drogës në Vicenza, ishin klientët, ata që porosisnin me mesazhe të koduara në ËhatsApp, ndërsa shqiptarët ua dërgonin në shtëpi.