Presidenti i Shqipërisë, Bajram Begaj dhe kryeministri i Shqipërisë, Edi Rama kanë nderuar të rënët për çlirimin e atdheut në Varrezat e Dëshmorëve.

Kur sot shënohen 79-vjet nga çlirimi i Shqipërisë, Begaj dhe Rama vendosën kurora me lule pranë Monumentit “Nënë Shqipëri”. Sipas Ramës, kjo është “ditë kujtese e sakrificës sublime të mijëra të rinjve e të rejave që ranë heroikisht në emër të lirisë”.

Gjithashtu, në këtë ceremoni merrnin pjesë edhe personalitete të tjera politike të vendit, midis tyre edhe kryebashkiaku i Tiranës, Erion Veliaj.

Ndërkaq, më herët, kryeministri Rama shpërndau edhe një video të cilën e shoqëronte me urimin për çlirimin e vendit.

“dhe bashkë me urimin për festën e madhe të çlirimit, ju uroj të gjithëve një ditë të paqtë”, shkruan Rama.