4 vjeçari në gjendje të rëndë, piu aksidentalisht lëngun e pesticideve

14:34 | 11 Qershor 2018
A. B.

Ka qenë duke luajtur në oborrin e shtëpisë kur ka gjetur një shishe me lëng pesticide që përdorej për bimë e insekte, dhe e ka pirë aksidentalisht. Vogëlushi 4 vjeçar është dërguar me urgjencë në spital nga familjarët.

Ngjarja ka ndodhur në fshatin Smollik të njësisë administrative Zerqan të Bulqizës. Ai ka marrë ndihmën e parë mjekësore në spitalin e qytetit e më pas është transportuar për në Spitalin e Traumës në Tiranë.

Informacion paraprak i policisë:

Jemi njoftuar nga urgjenca e spitalit të Bulqizës, se është dërguar nga familjarët për të marrë ndihmë mjekësore fëmija i mitur R.M, i cili dyshohet se ka konsumuar ilaç helmues.

Pas ndihmës së parë të marrë në spitalin e Bulqizës, është transportuar për ndihmë më të specializuar me helikopter drejt Tiranës.

Grupi hetimor po vijon hetimet për zbardhjen e kësaj ngjarje.