Kryeministri i Shqipërisë, Edi Rama ka reagaur pas disfatës që Kombëtarja e Shqipërisë e përjetoi sot në Kampionatin Evropian në përballjen me Spanjën.

Me anë të një postimi në facebook, Rama ka thënë se Kombëtarja Kuqezi e kreu misionin e saj të pamundur duke luajtur futbollin më të mirë ndonjëherë në historinë e saj, shkruan Arbresh.info.

“Nga goli më i shpejtë i Europianëve deri në sekondën e fundit të këtij Europiani, Kombëtarja Kuqezi e kreu misionin e saj të pamundur duke luajtur futbollin më të mirë ndonjëherë në historinë e saj dhe me mbështetjen fantastike të dallgës kuqezi të Lojtarit të 12-të”, ka shkruar ai.

Mes të tjerash, Rama theksoi se skuadra e Shqipërisë me një potencial shumë premtues largohet nga ky Europian me kokën lart.

“Sot skuadra jonë e re dhe me një potencial shumë premtues largohet nga ky Europian me kokën lart, për t’u rikthyer në fushë më tej me një eksperiencë shumë të vyer, e cila i mungonte krejtësisht përballë tre nga fuqive më të mëdha të futbollit që u përballën me një Shqipëri të vogël, por me dinjitet të pamohueshëm nga askush”, ka shkruar kryeministri Rama./Arbresh.info/