Ish-kryeministri Sali Berisha ka hapur sot fushatën në Durrës, një muaj para votimeve për 6 bashki në vend. Berisha ka prezantuar kandidatin Ardi Muka, si kandidat të koalicionit  “shtëpia e Lirisë”, për kryetar të Bashkisë së Durrësit.

Ai iu drejtua veçanërisht kosovarëve në Durrës, ku ka një komunitet të madh për të votuar kandidatin Muka, teksa e cilësoi kryedemokratin Lulzim Basha si njeri apatrid në qëndrimet politike dhe sulmoi Ballkanin e Hapur.

Ndaj dhe thirrja ime vëllazërore, çdo votë për Ardi Mukën, kandidatin e koalicionit të fitores. Ju ftoj ju gjithashtu të votoni jo vetëm për dinjitetin tuaj si njerëz të lirë, por edhe për atdhetarizmin, patriotizmin tuaj. Nuk mund të ndërtohet Shqipëria kurrë nga njerëz që nuk e duan. Iu bëj thirrje banorëve të Durrësit, u bëj thirrje banorëve të Katundit të Ri, të Rrashbullit  dhe kosovarëve…. Më 6 mars nuk votoni vetëm për Ardi Mukën, votoni për ata qindra mijëra, të rinj e të reja që morën rrugët e Europës. Votoni për diasporën shqiptarë. Është një votë sa lokale, aq kombëtare. Është një votë sa individuale, sa e rëndësishme për mbarë kombin shqiptar”, deklaroi Berisha./syri.net/