Xheneta Fetahu ka reaguar në rrjetet sociale, duke hedhur një kunjë që duket se i drejtohet këngëtares Egli Tako, e cila së fundmi performoi me flamurin shqiptar mbi supe gjatë një koncerti me tone patriotike.

Flamura n’qafë, njerëz me nevojë n’story, e koncertet plot ‘dashni’ për famë. Kur i shkelin flamurin – heshtje. Kur dikush ka nevojë pa kamera – s’u gjeni kërkah

-shkroi Xheneta, duke nënkuptuar se e sheh këtë veprim më shumë si një lëvizje për famë sesa si shprehje të sinqertë patriotizmi.

Ajo krahasoi artistët shqiptarë me ata amerikanë, duke shtuar:

Cilin artist në Amerikë e sheh me flamur në dorë në çdo koncert? Asnjë. Sepse ata e kanë patriotizmin n’zemer, jo n’story. Ata bien n’sy me sukses, jo me folklor për klikime.

Në fund, Xheneta lëshoi një kritikë të ashpër ndaj atyre që sipas saj e shfrytëzojnë imazhin kombëtar për popullaritet:

Përdorni gjithçka veç talentin – edhe njerëzit, edhe kombin. Të paftyrë me internet