Disa ditë më parë, dyshja Andi – Jasmina, vendosën të dalin përfundimisht nga emisioni “Për’puthen”, për ta vazhduar njohjen e tyre jashtë pa presionin e kamerave dhe publikut.

Dyshja po kalonin ditë të vështira në emision, aq sa Andi vendosi të tërheqë deklaratën për Jasminën, ai tha se ata nuk mund të kenë një të ardhme bashkë, pas debateve të forta që kanë pasur me njëri-tjetrin.

Po ashtu edhe Jasmina ishte dakord me mendimin e Andin se dyshja nuk mund të ketë një të ardhme së bashku.

Megjithatë, ata lanë të kuptohet se do të njiheshin jashtë emisionit duke lënë shpresa se mund të bashkoheshin jashtë. Gjithashtu, premtuan se do të kthehen pas një muaji në emision për të treguar se si është duke shkuar njohja e tyre jashtë.

Jasmina përmes llogarisë së saj personale në “Instagram” ka postuar një fotografi me Andin, duke i bërë të gjithë të dyshojnë se tashmë janë çift dhe mosmarrëveshjet e tyre janë zgjidhur.

“Nuk ishte dashuri me shikim të parë, u deshën tre muaj tu u përla. Gëzuar për kujtimet e bukura”- shkroi ish-konkurrentja krahas fotos së çiftit në emision.