Tash e tre vite, legjenda e humorit shqiptar, Rasim Thaçi – Cima, ka ndërruar jetë.

Artisti ndërroi jetë më 26 mars të vitit 2021, ndërkohë që ishte i shtruar në spital për shkak të COVID-19.

Humoristi i shumë skeçeve televizive ka lënë një boshëllëk të madh te të gjithë ata që e njohën, boshllëk posaçërisht te miqtë e familja.

Në përvjetorin e tretë të vdekjes së tij, vajza e tij, këngëtarja Adelina Thaçi, ka dedikuar disa fjalë prekëse për të.

“U zgjova sot me dhimbjen e njëjtë si para tre viteve, kur u ndave nga ne përgjithmonë, bab kam shumë mall për ty. Sa shumë kam nevojë për një përqafim të ngrohtë dhe fjalët e tua plot jetë e humor. Të dua deri në frymë të fundit”, ka shkruar Adelina.

Skeçet me të njohura të tij janë: Treshi Përsheshi, Cimë Baushtella, Nusja nga Diaspora, Lajmi në Gurbet, etj./Arbresh.info/