“Skifterja e Zemrës” bën për vete fqinjët: Publikohet versioni grek!

00:06 | 26 Qershor 2018
Arbresh.info

Një nga hitet e vitit të kaluar, që vazhdon edhe sot e kësaj dite të na shoqërojë në ditët më të lumtura është padyshim “Skifterja e Zemrës” e Bes Kallakut dhe Klajdi Harunit.

Edhe pse në shtator bëhet plot 1 vit që prej publikimit, kënga vazhdon të dëgjohet si të ishte publikuar dje.

Ama, jo vetëm shqiptarët, por edhe fqinjët tanë grekë duket se janë “çmendur” pas skifteres.

Reperi i njohur grek TUS, i njohur në Shqipëri nga bashkëpunimi me Brunon, “Shqiptare” ka risjellë “Skifterja e Zemrës” në versionin grek, të titulluar “Zemra”.

Kënga është në bashkëpunim me Plaza-n dhe sigurisht, i këndohet një vajze shqiptare, të cilën këngëtarët e kërkojnë në Shqipëri.

Ashtu sikur “Skifterja e Zemrës”, edhe “Zemra” do t’ju bëjë për vete që me dëgjimin e parë.