Rita Ora ka zbuluar se ishte ajo që i propozoi martesë bashkëshortit të saj, Taika Waititi, gjatë një udhëtimi romantik në Palm Springs.

Këngëtarja 34-vjeçare, e cila u martua me regjisorin 49-vjeçar në vitin 2022, ndau këtë histori në podcastin “Begin Again” të Davina McCall, duke treguar se si theu traditën dhe mori vetë iniciativën për propozimin.

Ajo tha: “E bëra gjithë gjënë vetë. Ishim në një dhomë hoteli në Palm Springs, një nga ato të bukurat, luksoze, e mbushur me tullumbace dhe tortë, që është gjëja ime e preferuar në botë”.

Unë i kisha bërë unazat, nuk doja diçka shumë të ndritshme. Ai më tha: ‘Çfarë po ndodh? Është Shën Valentini?’ Dhe unë i thashë: ‘Jo, por nëse do thuash jo, do më duhet të heq rrobat’”. Ajo përfundoi duke treguar se si më pas e bëri ceremoninë e propozimit, për të cilin tha se Taika e kishte adhuruar.

Rita Ora dhe Taika Waititi u martuan në një ceremoni private më 4 gusht 2022, në Los Angeles. Çifti, të cilët kishin qenë miq për vite me radhë para se të lidheshin në mënyrë romantike në vitin 2021, organizuan dasmën brenda vetëm dy javësh, që vajzat e Taikës të mund të merrnin pjesë.