Qendra Kinematografike e Kosovës për filmin “Zgjoi”: Bashkë për Kosovën drejtë Oscars 2022!

13:07 | 27 Janar 2022

Ditën e sotme (e enjte) do të nisë procesi i votimit të anëtarëve të jurisë për çmimin e Akademisë së Filmit, “Oscars 2022”.

Kosova për herë të parë është në listën e ngushtë të pretendentëve për t’u nominuar në kategorinë “Filmi më i mirë ndërkombëtar” me filmin “Zgjoi”.

Lidhur me këtë reagimet në internet kanë qenë të shumta duke kërkuar përkrahje dhe promovimin për filmin që ka pushtuar botën.

Një të tillë së fundmi e ka bërë edhe Qendra Kinematografike e Kosovës në një postim të shpërndarë në Facebook.

Postimi i plotë (pa ndërhyrje):

“Ta promovojmë filmin tonë ‘Zgjoi’ duke e shpërndarë sa më shumë fotografinë e lidhur me këtë postim.

Sot fillon votimi i anëtarëve të Akademisë Amerikane për të nominuar filmat për Oscars 2022.

Kosova për herë parë është në listën e ngushtë me gjasa reale për të siguruar një nominim.

Bashkë për Kosovën drejtë Oscars 2022”. /arbresh.info/

Shpërndaje në rrjete sociale

Lajmet më të lexuara