Reperi i njohur nga Gjilani, Feronit Shabani (Fero) është arrestuar mbrëmë nga Policia e Kosovës në një nga pikat kufitare.

Fero me vendim të prokurorit është ndaluar për 48 orë.

Lajmin për arbresh.info e ka konfirmuar zëdhënësi i policisë për rajonin e Gjilanit, Ismet Hashani.

“Mbrëmë me datën 16.01.2023 si rezultat i një pune mirë të organizuar operacionale dhe veprimeve intensive hetimore është arritur që të arrestohet në pikë kufitare personi i cili ishte në kërkim policor F.Sh. (1994) shtetas kosovar për shkak të veprës penale ,,Shkaktim i rrezikut të përgjithshëm’’ i datës 28.12.2022”, tha Hashani.

I njëjti është intervistuar në bazë të procedurave ligjore në Stacionin Policor Gjilan.

“Në lidhje me rastin është njoftuar Prokurori i Shtetit i cili ndaj të dyshuarit ka lëshuar masën e ndalimit për 48 orë dhe ndaj tij do të ngritët kallëzim penal për veprat penale ,,Shkaktim i rrezikut të përgjithshëm’’ dhe ,,Përdorim i armës’’. Rasti procedohet në Prokurorinë Themelore”, përfundoi Hashani. /arbresh.info/