Këngëtarja e njohur, Leonora Jakupi ka finalizuar dy projekte të reja muzikore.

Projektet janë realizuar në nder të festës së Pavarësisë së Kosovës dhe Epopesë së UÇK-së, shkruan arbresh.info

“Ata që bënë shumë për ne. Ata që rrezikuan gjithçka për ne. Ata që janë më meritorë për lirinë që po e gëzojmë sot”.

“‘Komandant’ kënga ime premierë, pas të cilës pason premiera tjetër ‘Liria ka Emër’. UÇK jemi me ty”, ka shkruar Leonora në njoftimin e saj.

Avni Qahili e ka bërë muzikën dhe e ka shkruar tekstin e këngës “Komandant”, ndërsa Ebrar Mazhar e ka bërë orkestrimin, miksimin dhe masterizimin. Për anën vizuale është kujdesur MaxProduction.

Kujtojmë që krahas këtyre projekteve, këngëtarja aktualisht po shijon suksesin e albumit të ri “Amël”, që e lansoi në dhjetor të vitit të kaluar. / arbresh.info/