Një tjetër çift i krijuar brenda shtëpisë së Big Brother VIP Kosova ka marrë fund.

Diana dhe Arioni, dy ish-banorët e këtij edicioni, kanë vendosur të ndahen pas një periudhe të shkurtër bashkë.

Lajmi u raportua nga Prive, duke bërë të ditur se dyshja ka kaluar një krizë në marrëdhënien e tyre, e cila përfundimisht ka çuar në ndarje.

Një tjetër sinjal që ka konfirmuar përfundimin e lidhjes së tyre është mungesa e fotografive të përbashkëta në rrjetet sociale.

Diana dhe Arioni kanë fshirë çdo postim të mëparshëm si çift dhe nuk e ndjekin më njëri-tjetrin në Instagram, duke i dhënë fund edhe virtualisht marrëdhënies së tyre.

Megjithëse lidhja e tyre vazhdoi për pak kohë edhe pas daljes nga shtëpia, me ulje dhe ngritje, duket se ata kanë arritur në përfundimin se janë më mirë pa njëri-tjetrin.