Këngëtarja e njohur shqiptare, Tuna Sejdi, i është rikthyer muzikës pas një pauze relativisht të gjatë.

Zhvillimet në jetën private e kishin lënë prej kohësh pak anash këngëtaren nga karriera e saj, por mbrëmjen e së premtes ajo shënoi rikthimin e saj në skenë e një projekt të ri muzikor.

“Kthehna” mban titullin kënga e saj e re, e cila është pop dhe R&B, dhe vjen në bashkëpunim me artistin e ri The Victor.

Kënga është punuar nga producenti Big Bang Beats në studion RedBox Entertainment, gjersa për tekstin janë kujdesur Albanor, Tonic, The Victor dhe Tuna.

“Kthehna” është vizualizuar edhe me një klip shumë të veçantë, i cili është realizuar nga produksioni kosovar, Imagine Films.

Me këtë rikthim, Tuna pritet që të vazhdojë fuqishëm në publikimin edhe të këngëve të tjera, duke plotësuar dëshirën e fansave të saj në pritje. /Telegrafi/