“Lady Malena” është titulli i këngës më të re që ka ardhur si bashkëpunim ndërmjet Adrian Gaxhës dhe Vig Poppas.

Projekti është prodhim i Bekito dhe Brick Records, dhe ka ardhur i kompletuar edhe nga ana vizuale.

Bekito e ka bërë edhe ‘beat-in’, ndërsa tekstin e kanë shkruar Tonic & Denk (PandaMusic).

Lorenc Aliaj e ka bërë miksimin dhe masterizimin, derisa për xhirimin e videoklipit është kujdesur produksioni Entermedia.

Bashkëpunimi me Argjentina Ramosajn, “Bad Boy”, është një prej projekteve më të fundit që ka sjellë Vigan Bardhi gjatë këtij viti.

Nga ana tjetër, Adriani gjatë këtij viti solli duetin shumë të suksesshëm me Onatin, “Lujmi krejt”, që numëron mbi 24 milionë shikime në YouTube.

Me herët, këngëtari nga Maqedonia ka thënë se i ka disa projekte që do t’i sjellë në vazhdim.