Këngët e saj po thyejnë rekorde në platforma të ndryshme, teksa Dua Lipa qëndron e izoluar në shtëpi.

Këngëtarja shqiptare sapo ka publikuar albumin e saj të shumëpritur “Future Nostalgia”, i cili po dëgjohet në përmasa të mëdha, shkruan portali arbresh.info

Kënga e parë e këtij albumi, e cila u publikua në tetor të vitit të kaluar, “Don’t start now”, ka qëndruar për shumë javë në top listat ndërkombëtare.

Madje, faqja zyrtare e top listave botërore të muzikës, Official Charts ka bërë të ditur se kjo këngë ka thyer rekordin si kënga e parë e një artisteje femër britanike që qëndron në top 10 më së shumti ndonjëherë.

“‘Don’t start now’ e Dua Lipës ka kaluar më shumë javë në Top 10 se sa ndonjë këngë tjetër në histori nga ndonjë artiste femër britanike”, shkruhet në njoftimin e Official Charts.

E entuziazmuar për këtë sukses, Lipa ndau e ndau gjithashtu me fansat e saj në InstaStory këtë njoftim.

Ndryshe, ditë më parë Dua po ashtu lansoi edhe klipin e animuar të këngës “Break your heart”. /arbresh.info/