Jozi shoqërohet në polici pas sulmit të rëndë ndaj Gjestit në gjysmëfinale

00:50 | 13 Prill 2025
R J

Jozefin Marku, banori i Big Brother VIP Albania 4, është shoqëruar në polici pas sulmit ndaj Gjestit, teksa po dilte nga shtëpia, duke e rrëzuar atë në tokë.

Skandal në Big brother: Jozi e gjuan Gjestin me shuplakë dhe e rrëzon për tok gjatë transmetimit direkt

Lajmin për arrestimin e tij e ka bërë të ditur moderatori i këtij reality show, Ledion Liço.

Ndryshe, një incident paprecedentë ka ndodhur gjatë spektaklit gjysmëfinal të “Big Brother VIP Albania 4”, ku kamerat transmetuan një skandal të vërtetë në kohë reale.

Gjatë momentit të daljes nga shtëpia, pas eliminimit të tij, Jozi Marku, i njohur për lidhjen e tij me Loredana Bratin, ka goditur me shuplakë të fortë Gjestin, duke e rrëzuar atë në tokë. Ngjarja ndodhi përpara syve të banorëve të tjerë dhe miliona teleshikuesve, duke shkaktuar tronditje dhe një reagim të menjëhershëm nga publiku dhe produksioni./Arbresh.info