E frymëzuar nga “Bridgerton” Jennifer Lopez e kthen festën e ditëlindjes së saj në një mbrëmje mbretërore. Me fustane madhështorë, orkestër klasike dhe shumë detaje mbreslënëse, kjo ishte festa ekstravagante e Lopez në ditëlindjen e saj të 55-të.

Megjithatë sikur të kishte dalë direkt nga një episod i “Bridgerton” videokolazhi i ndarë nga vetë Lopez tregon orkestrën shoqëruese, të gjithë duke kërcyer dhe të veshur të frymëzuar nga epoka e “Regency”.

Përmbledhja e festimeve të ditëlindjes së saj vazhdon me një sërë fotosh të yllit të “Hustlers” e veshur me një fustan blu të gjatë dhe përrallor i përshtatur për mbretëreshën e ditëlindjes me flokët e kapura në një stil elegant.

Nga mbrëmja madhështore ajo që tërhoqi vëmendje ishte fakti që në foto apo videot e shpërndara u pa që fëmijët e saj binjakë Emme dhe Max, si dhe burri i saj Ben Affleck nuk ishin të pranishëm në festë.

Prej kohësh Lopez dhe Affleck po kalojnë një krizë në marrëdhënien e tyre në çift teksa vetëm, para pak kohësh nxorën në shitje shtëpinë e tyre./tvklan.al