Tiri, Aldo dhe Gerta u panë duke biseduar në oborr rreth situatës mes Eglit dhe Gjestit, një temë që po ngjall gjithnjë e më shumë diskutime mes banorëve.

Gerta, e revoltuar nga sjellja e Eglit, u shpreh: “E nxori Xumin për këtë gjë dhe po e bën vetë”.

Ajo iu referua mënyrës se si Egli e nominoi Xumin, duke e akuzuar atë për përndjekje.

Në fund, Xumi u largua nga shtëpia pas një përballjeje direkte në nominim me Eglin.

Tani, sipas banorëve, duket se Egli po sillet njësoj me Gjestin, pavarësisht se ai ia ka bërë të qartë se nuk ka ndjenja për të.

Kjo ka krijuar përshtypjen tek të tjerët se ajo po e ndjek Gjestin, njësoj siç e akuzonte Xumin më parë.

Tiri dhe Aldo kritikuan sjelljen e saj, duke thënë se Egli shet për moral dhe mban leksione, por në të vërtetë vepron ndryshe.

“Sa herë ajo fillon të flasë për vlera, duhet të qeshësh”, tha Aldo me ironi.

Ndërkohë, Gerta pranoi se nuk kishte as interes të dëgjonte më debatet mes Eglit dhe Gjestit.

“Kur i pashë duke u fjalosur, as nuk u afrova. Është e njëjta gjë gjithmonë dhe nuk ka më asnjë interes”, u shpreh ajo.

Ndërsa situata në shtëpi po bëhet gjithnjë e më tensionuese, mbetet për t’u parë se si do të zhvillohet dinamika mes Eglit, Gjestit dhe pjesës tjetër të banorëve. /Telegrafi/