Loredana Brati ka folur gjerë e gjatë për eksperiencën e saj në Big Brother Vip Albania.

Ajo tregoi se pasi doli nga shtëpia, ku arriti që të shkonte deri në gjysmë finale, foli më prindërit dhe pa reagimet e tyre dhe intervistën e Jozit herën e parë që ai doli nga shtëpia.

Ajo tha se prindërit i thanë: a nuk kishim të drejtë kur të thoshim që ishe nën në hije, dhe pjesa jote më e bukur doli kur ti dole nga ajo hije?!

“U dhashë të drejtë, por nuk ia hedh fajin askujt veç vetes sime, ka qenë vetëm faji im. Nuk e konsideroj gabim marrëdhënien që krijova, por ndodhi. Mësova nga ajo dhe prapë më ka dhënë shumë emocione”, u shpreh Loredana në “Shqipëria Live”.

Ndërkohë e pyetur për komentin që prindërit i bënë për incidentin e ndodhur me Jozin dhe Gjestin në shtëpi, ajo tha: Ishin tronditur shumë, ishin në merak për mua, dhe nga tani e tutje më thanë ‘me mendje në kokë’.