Reperi i njohur nga Drenica, Don Xhon, ka lansuar sot (e mërkurë) projektin më të ri muzikor të titulluar “Ça tha”.

Kjo këngë vjen në kulmin e sezonit veror dhe sjell një kombinim të energjisë, stilit urban dhe pamjeve vizuale të kuruara, duke u pozicionuar menjëherë si një hit potencial për muajt në vijim.

Teksti i këngës është shkruar nga vetë artisti, duke reflektuar vazhdimësinë e tij si një artist i angazhuar edhe në aspektin krijues.

Ai mbetet besnik stilit të vet të drejtpërdrejtë, me linja që përziejnë jetën personale, suksesin dhe karizmën e tij në raport me publikun.

Producenti BigBang është kujdesur për bazën muzikore, duke sjellë një beat modern dhe ritmik që e bën këngën të dëgjohet lehtë dhe të mbetet në mendje.

Pas suksesit të projekteve të mëparshme, “Ça tha” vjen si një vazhdimësi e natyrshme e rrugëtimit të Don Xhon, i cili po vazhdon të konsolidojë pozicionin e tij si një nga emrat më të përfolur dhe më ndikues në skenën e muzikës hip-hop dhe rap në trojet shqiptare. /Telegrafi/