Shumë fytyra publike janë infektuar me koronavirus, e së fundmi është prekur edhe këngëtarja, Dafina Zeqiri. Lajmin e ka bërë të ditur vetë këngëtarja përmes një postimi në rrjete sociale.

Dafina është karantinuar në shtëpi së bashku me partnerin e saj, Dj Geek, kështu duket sipas disa fotografive të postuara dhe tregojnë se kanë simptoma të lehta të virusit.

Së fundmi, këngëtarja ka publikuar në InstaStory një foto ku shkruan:

“Zyrtare… S’mund të ndiej  asgjë”, duke lënë të kuptohet se tanimë si pasojë e infektimin e koronavirus ka humbur dhe nuhatjen.

Kujtojmë se pak kohë më parë Dafina iu nënshtrua edhe një operacioni në gju, për të cilin iu deshën gati 5 javë që të rikuperohej.

Gjatë kësaj jave si pasojë e COVID-19 kanë ndërruar jetë edhe aktorët, Luran Ahmeti dhe Rasim Thaçi, e vetëm gjatë 24 orëve të fundit janë raportuar 873 raste të reja dhe 11 persona kanë ndërruar jetë si pasojë e virusit.