Këngëtarja Dafina Zeqiri është duke ndjekur ëndrrën e saj më të madhe, atë të realizimit të një karriere muzikore jashtë kufijve.

“Four Sesons” dhe “Told Ya” mbajnë titullin dy projektet e saj në anglisht, të cilat janë pritur mirë nga publiku dhe kanë marrë vlerësimin e duhur.

Dafina Zeqiri po shijon ëndrrën e saj në New York.
Ajo ka paralajmëruar se së shpejti do të sjellë në treg edhe një album të shkurtër me gjashtë këngë, titulli i të cilit është “King”.

Ndryshe, Dafina ka filluar të aktivizohet edhe me mbrëmje muzikore, në të cilat do të promovojë edhe më shumë projektet e saj të reja.

Koncerti i saj i radhës do të jetë në New York, dhe do të mbahet më datën 9 nëntor.

Në posterin e koncertit të publikuar edhe në rrjetet sociale, është shfaqur edhe çmimi i biletës, i cili varion nga 12 deri në 15 dollarë.