Ka kohë që Dafina Zeqiri e ka paralajmëruar albumin e ri të titulluar “Dafinë Moj”.

Këngëtarja e pëlqyer e skenës shqiptare është duke e finalizuar këtë projekt të madh, ndërsa kohë më parë kishte treguar se si do të dukej kopertina e albumit.

Gjatë të hënës, ajo e ka publikuar listën e këngëve, në të cilën ka paralajmëruar disa bashkëpunime mjaft interesante.

Pikërisht kënga që mban titullin albumi, “Dafinë Moj”, do të vijë si duet me nënën e saj, Melihate Zeqiri, për të cilën kishte thënë se edhe është dedikim.

Një bashkëpunim interesant pritet të jetë edhe me Altuna Sejdiun – Tunën. Kënga e titulluar “Sunny Hill” do t’i bëjë bashkë dy këngëtaret pas hitit të dikurshëm me 2po2, “Vibe”.

 

View this post on Instagram

 

A post shared by DAFINA ZEQIRI (@dafina.zeqiri)

Disa prej këngëve përbërëse të albumit tashmë janë publikuar dhe ato janë shndërruar në hite. /Telegrafi/