Capital T shpërndan në rrjete sociale një video të Luiz Ejllit duke kënduar hitin e tij “U bo vonë”

22:44 | 24 Mars 2023
E.H

Sot janë bërë plot 90 ditë që kur ka filluar spektakli Big Brother Vip Albania dhe për këtë ‘Vëllai i Madh’ ka organizuar një festë madhështore në pishinë.

Banorët kanë kënduar e kërcyer së bashku ku i pranishëm ishte edhe një DJ.

U kënduan këngë që vite më parë ishin hite të mëdha.

E kush tjetër do ti kthente në memorien e njerëzve ato këngë të vjetra se Luiz Ejlli.

Në një moment Luizi filloi të këndonte këngën e Capital T “U bo vonë”.

Kjo është shpërndarë edhe nga reperi në llogarinë e tij zyrtare në Facebook, ku duket se e ka pëlqyer këtë performancë të artistit shkodran.

“Shumë vonë”, ka qenë përshkrimi që ia ka vënë videos.

Luizi ndërkohë është parë duke kënduar edhe projektet e Ghetto Geasyt, gjersa ky i fundit e shpërndau sërish në rrjete sociale dhe e quajti ‘Luiz Baba’.

Gjatë qëndrimit në shtëpi, Ejlli ka fituar zemrat e gjithë publikut anë e mbanë trojeve shqiptare dhe jo vetëm.

Ai vazhdon të mbetet i preferuari i publikut pavarësisht situatave që krijohen brenda në shtëpi./arbresh.info

Shpërndaje në rrjete sociale