Në muajin dhjetor disa foto të Justin Timberlake me kolegen e tij, Alisha Wainwright, bënë xhiron e rrjetit. Dy aktorët, të cilët po punojnë bashkë për filmin “Palmer”, u fotografuan të kapur përdore dhe shumë të afërt me njëri-tjetrin. Në fotot e famshme, Justin nuk mbante në dorë as unazën e martesës.

Kjo ishte hera e parë që Justin Timberlake dhe bashkëshortja e tij Jessica Biel u përfolën në media për një tradhti të mundshme. Pasi fotot u bënë publike dhe mediat nuk reshtinin së shkruari, Justin reagoi me anë të një postimi në Instagram, ku i kërkoi falje familjes së tij dhe kryesisht bashkëshortes që e kishte vendosur në këtë situatë të sikletshme. Ai pranoi se e kishte tepruar me pijen, por siguroi që asgjë nuk kishte ndodhur mes tij dhe koleges.

Pas këtij postimi, burime për Us Weekly kanë thënë se ka qenë Jessica ajo që e ka detyruar Justin-in të kërkojë falje publike në Instagram, pasi ndihej në siklet nga veprimet e tij.

Biel është ndjerë keq nga e gjithë kjo situatë, por duket se çifti e ka lënë pas këtë histori. Aktorja ka postuar për hërë të parë një foto me bashkëshortin, pas ngjarjes së pakëndshme. Biel i ka uruar ditëlindjen Timberlake dhe i ka shprehur publikisht dashurinë, duke bërë të qartë se lidhja mes tyre vazhdon të jetë po aq e fortë sa dikur.

“Gëzuar ditëlindjen njeriut që nuk njeh kohë. Në një farë mënyre ti rritesh pa u plakur. Të duam shumë”, -shkruan ajo përkrah fotove ku ata shfaqen të dashuruar si gjithmonë.

https://www.instagram.com/p/B7_y3hzhTuc/