Edicioni i sivjetmë i “Eurovision” është anuluar, për shkak të përhapjes së virusit COVID-19.

Ara ka menduar për fansat një surprizë të veçantë, e cila është perfekte dhe ajo që duhej në këto ditë të vështira, shkruan portali arbresh.info

Përmes një fotografie të publikuar në rrjetin social Instagram, Arilena ka paralajmëruar se do të mbajë koncert recital në Sheshin “Nënë Tereza” në Tiranë.

“Sounds of Silence (Tingujt e qetësisë)” është titulli i këtij koncerti, i cili do të mbahet pa audiencë për shkak të situatës, megjithatë do të transmetohet në të gjitha platformat dixhitale.

 

View this post on Instagram

 

“Sounds Of Silence” E lumtur të ndaj me ju këtë lajm! Recitali im live, nga Sheshi “Nënë Tereza” #SoundsOfSilence

A post shared by Arilena Ara (@arilenaaraa) on Apr 29, 2020 at 11:01am PDT

“E lumtur të ndaj me ju këtë lajm! Recitali im live, nga Sheshi “Nënë Tereza”, shkroi Arilena Ara në mbishkrimin e fotografisë në Instagram, e cila paralajmëronte këtë koncert.

Arilena Ara përndryshe kishte prerë biletën si përfaqësuese e Shqipërisë sivjet në “Eurovision 2020”, pasi ishte shpallur fituese Festivalit të RTSh-së në dhjetor të vitit të kaluar me këngën “Shaj”. /arbresh.info/