Pas afro 20 vjet martesë, çifti i aktorëve Antonio Banderas dhe Melanie Griffith vendosën t’i thonë lamtumirë dashurisë së tyre në 2015, dhe në një intervistë të re, aktori spanjoll foli me sinqeritet për ish-gruan e tij.

Duke folur për revistën ‘People’, 59-vjeçari pranoi se do ta dashurojë përgjithmonë gruan e tij të dytë.

“Melanie nuk është më gruaja ime, por e konsideroj shoqen time më të mirë. E dua dhe do ta dua deri në vdekje. Ajo është familja ime”, deklaroi aktori.

Me 62-vjeçaren Melanie Griffith, Antonio Banderas ka një vajzë 23-vjeçare, Stella, për të cilën thotë se ka trashëguar gjenin e tyre krijues.

“Stella është shkrimtare e lindur. Ajo ka rënë në dashuri me libra qëkur ishte e vogël dhe kënaqet duke shkuar pas aparatit fotografik”, pranon aktori, i cili gjithashtu ka partneritet me Melanie për të rritur fëmijët e saj nga marrëdhëniet e mëparshme, vajzën Dakota Johnson dhe djalin Alexander Bauer.

“Unë kam qenë gjithmonë atje për ta, sepse e dua nënën e tyre dhe ata përfaqësuan pjesën më të rëndësishme të saj për mua. Ata e kuptuan vetë shumë shpejt. Ata më quanin Paponio, që është një përzierje midis babait dhe Antonio”, pranon Banderas, i cili ende lufton me ish-gruan e tij për të marrë pjesë në kremtet familjare dhe në raste të veçanta.