Është vlerësuar se 47 milionë njerëz në mbarë botën kanë probleme me shëndetin mental.

Studimi i publikuar në konferencën e Shoqatës Ndërkombëtare “Alzheimer” në Londër është punuar nga 24 ekspertë botërorë, transmeton portal arbresh.info

Sipas tyre, stili i jetës së një individi mund të luajë një rol kryesor në rritjen ose zvogëlimin e rrezikut të shfaqjes së demencës.

“Dementia diagnostikohet më shpesh në një moshë më të vonë, por ndryshimet zakonisht fillojnë të zhvillohen shumë vite para kësaj”, thuhet në studim.

Hulumtimet kanë treguar se njerëzit që nuk janë në gjendje të përfundojnë shkollën e mesme janë në një rrezik më të lartë të demencës, dhe autorët e artikullit këshillojnë të vazhdojnë të mësuarit gjatë gjithë jetës për të rritur rezervat njohëse.

Një rrezik tjetër i madh është humbja e dëgjimit në moshën e mesme, e cila mund të çojë, sipas studiuesve, në izolim shoqëror dhe depresion, të cilët janë ndër faktorët e mundshëm të rrezikut për çmenduri.

Ekspertët dërguan një mesazh tjetër kryesor: “Ajo që është e mirë për zemrën është gjithashtu e mirë për trurin”.

Në shëndetin mental luan rol edhe pirja e duhanit, aktiviteti fizik, mbajtja e peshës së trupit në formë të duhur, trajtimi i presionit të gjakut, diabetit, si dhe kujdesi për sëmundjet kardiovaskulare dhe ato kancerogjene./arbresh.info/