Ushtrimet dhe privimi i gjumit mund të bëjnë simptomat e alergjisë ndaj arrave më vdekjeprurëse, ka sugjeruar një studim.

Studiuesit në Spitalin Addenbrooke në Kembrixh ushqyen me miell kikiriku më shumë se 126 njerëz që ishin alergjikë ndaj arrave.

Vullnetarët konsumuan miellin deri sa pësuan një reagim, i cili u trajtua shpejt, transmeton lajmi.net.

Mesatarisht, u desh një kikirikë e tërë (0.3g) për pjesëmarrësit të përjetonin një reaksion alergjik.

Procesi u përsërit më pas ndërsa pjesëmarrësit ushtroheshin. Shkencëtarët zbuluan se sasia e kikirikut që u desh për të shkaktuar një reagim u përgjysmua gjatë aktivitetit fizik.

Shkencëtarët gjithashtu testuan nivelet e tyre të reagimit kur ata ishin të privuar nga gjumi dhe zbuluan se, në mënyrë të ngjashme, toleranca e tyre ndaj arrës ishte përgjysmuar.

Ekipi i hulumtimit thotë se gjetjet, të cilat janë botuar në revistën ‘The Journal of Allergy and Clinical Immunology’, mund të zbatohen në ushqime të tjera