Pozita “W” e uljes zakonisht përdoret nga fëmijët. Kjo është pozitë standarde e uljes, pasi që fëmijët ndjehen më të sigurt dhe e kanë më të lehtë qëndrimin ulur.

Por, shumica e prindërve nuk i njohin rreziqet që i sjell ulja në këtë pozitë.

Efektet negative të kësaj pozite përfshijnë probleme ortopedike, ngadalësim në zhvillimin e kontrollit postural dhe stabilitetit etj.

Ulja e vazhdueshme në këtë pozitë mund të shkaktojë edhe probleme me ijët, e gjithashtu shpie edhe në muskuj më të ngushtuar apo më të shkurtër. Kjo ndikon direkt në zhvillimin e aftësive motorike, balancimit dhe koordinimit.

Ekspertët shëndetësorë rekomandojnë se mënyra më e mirë për ta ndalur këtë dukuri, është aë vazhdimisht t’ia ndryshoni pozitën e uljes fëmijës. Mësojeni atë të ulet në mënyrë korrekte dhe është mirë të investoni në një tavolinë me karrige.