Sado që ju duket e padëmshme dhe zgjidhje shpëtimtare, megjithatë ndarja e pilulave në pjesë më të vogla mund të shkaktojë probleme shëndetësore.

Përpirja e pilulës së vogël apo të madhe për shumicën është problem i vërtetë.

Arsyet janë të ndryshme, mirëpo shumica veprojnë kështu: e ndajnë përgjysmë pilulën apo e thërrmojnë dhe pastaj e përpijnë.

Farmacistët konstatojnë që kjo nuk është ide e mirë, transmeton Telegrafi.

Ata thonë që mund të shfaqen efekte të padëshirueshme për shkak të dozimit të ndryshëm të ilaçit, posaçërisht kur është fjala për terapinë për diagnozat e çrregullimit bipolar apo te ata me zemër të sëmurë.

Tabletat janë të mbështjella me qëllim, që të parandalohet shkrirje e barnave në stomak. Madje, ato mbrojnë stomakun nga përbërësit agresivë të barnave.

Te diagnozat e tilla patjetër duhet të merret saktësisht sasia e përshkruar e ilaçit dhe se gjithsesi para se të vendosni krye në vete që të ndani përgjysmë ndonjë pilulë apo ta thërrmoni në pjesë më të vogla, duhet të konsultoheni me mjekun i cili jua ka përshkruar terapinë.

Në qoftë se keni probleme të mëdha me gëlltitjen e tabletave, mund të gjeni të ngjashme në formë të lëngshme.