Gratë e reja që konsumojnë sasi të vogël të mishit të kuq dhe produkteve të qumështit mund të përballen me probleme shëndetësore më vonë, ka gjetur një studim i fundit.

Profesor Ian Givens nga Universiteti i Reading në Angli tha se gjysma e vajzave, pra vajzave të moshës 11 deri në 18 vjeç, nuk konsumojnë mjaftueshëm ushqime që përmbajnë jod, kalcium dhe zink, transmeton portal arbresh.info

Ai theksoi se femrat janë më të rrezikuara nga zhvillimi i mangësive ushqyese në krahasim me meshkujt sepse mesazhet për efektet negative të konsumimit të mishit dhe produkteve të qumështit më së shumti drejtohen drejt tyre.

Givens shtoi se ka shumë arsye për të reduktuar konsumimin e mishit, por theksoi se duhet të jeni të kujdesshme nëse vendosni të praktikoni një dietë me baza bimore.

“Vitet e adoleshencës janë vendimtare për zhvillimin e kockave. Nëse nuk hani mjaftueshëm përbërës të dobishëm gjatë asaj periudhe, do të bëheni të prirur ndaj frakturave,” tha ai.

Nutricionistja Ana Mapson tha se mungesat e lëndëve ushqyese shkaktojnë probleme serioze shëndetësore si anemia dhe osteoporoza. Edhe pse është e mundur të hani një dietë të ekuilibruar vegane, fillimisht është e nevojshme të bëni një plan të detajuar se cilat lëndë ushqyese do të zëvendësoni mishin dhe produktet e qumështit.

“Për shembull, vegjetarianët nuk marrin omega 3, e cila është veçanërisht e rëndësishme për shëndetin e trurit. Acidi dokosaheksaenoik (DHA) është i nevojshëm për funksionimin e tij normal,” shtoi ajo./arbresh.info/