Inflamacioni i fytit, rrjedhja e hundëve dhe teshtima janë simptoma të gripit të cilat fillojnë të shfaqen çdo vit, përafërsisht në të njëjtën kohë dhe qëndrojnë mes nesh diku deri në prill të vitit të ardhshëm

Mirëpo, ekziston mënyra me ndihmën e së cilës ftohja mund të sanohet për vetëm 24 orë. Përgjigjja kësaj pyetjeje “Si?” është – brokoli!

Nutricionistja Sara Flauer shpjegon se si kjo perime ndikon në simptomat e gripit. Ajo thekson që brokoli është plot vitaminë K, vitaminë C,krom dhe thartirë folike, që të gjitha ndikojnë në mënyrë të favorshme ndaj simptomave.

– Këto vitamina të njohura janë ndihmë e jashtëzakonshme në luftën kundër infeksioneve, andaj në shenjat e para të ftohjes është e dëshirueshme të shtohet marrja e tyre, duke ngrënë më shumë fruta arrore, limona, portokaj mandarina, papaja, brokoli dhe speca të kuq, të cilët ndihmojnë në mbrojtjen nga inflamacioni, thekson ajo.

Është me rëndësi, gjithashtu, edhe të merren mjaft lëngje, në mënyrë që të “shpërthejnë” mbylljen e fytit, mirëpo duhet shmangur pijet e ëmbëlsuara dhe të qumështit, të cilat, për shkak të përmbajtjes së lartë të materieve jargëzore, mund të përkeqësojnë gjendjen.

Prandaj është më mirë të pihen çaje ose uji, transmeton Telegrafi.

Edhe krahas motit të ftohtë, rekomandohet të kaloni një kohë jashtë në shëtitje apo në ushtrime.

Gjatë muajve të dimrit mungon vitamina D, e domosdoshme për imunitetin dhe kundër virusit.

Prandaj, gjatë vjeshtës dhe dimrit është e nevojshme të dalim në rreze të diellit së paku 15 minuta në ditë.