UNHCR nuk merr përgjegjësinë për dy emigrantët të cilët vdiqën gjatë një aksidenti në komunikacion, dhe që nuk janë varrosur ende.

Ne e dimë për problemin, por nuk është përgjegjësi e UNHCR-së, deklaroi për “Nova”, Dejan Klladarin, përfaqësues i UNHCR-së në Shkup.

“Ne jemi këtu për të ndihmuar kur ka një problem dhe kur institucionet do të na drejtohen për ndihmë, por kjo nuk është përgjegjësi e UNHCR-së. Roli i UNHCR-së nuk do të thotë që institucioni duhet të marrë përgjegjësinë, por të ndihmojë kur duhet”, tha Klladarin.

Siç është njoftuar tashmë, asnjë institucion nuk dëshiron të marrë përgjegjësinë për varrimin e trupave të dy emigrantëve që qëndrojnë për tre muaj në kapelën e Butelit. Institucionet e zhvendosin topin në njëra-tjetrit, ndërsa trupat janë para prishjes.

Nga organizata joqeveritare “Legis” të cilët para dy muaj e gjysmë i kanë gjetur trupat në kapelën në Butel, dhe kanë kërkuar t’i varrosë sipas zakoneve myslimane, thonë se nuk u japin atyre derisa të marrin një dokument nga Prokuroria Publike Themelore.

Historia e dy të rinjve nga Shri Lanka dhe Bangladeshi, të cilët vdiqën në një aksident, kur ata kalonin transit nëpër Maqedoni, në rrugën e tyre drejt disa vendeve të BE-së, duket se nuk iu intereson institucioneve.