Projekti i ndërtimit të Unazës së Madhe ka bërë që banorët e kryeqytetit të Shqipërisë të dalin në rrugë.

Arsyeja e shprehjes së pakënaqësisë është prishja e pronave të tyre nga ndërtimi i kësaj unaze.

Të hënën paradite, një grup banorësh janë mbledhur para bashkisë së kryeqytetit për të protestuar kundër shembjes së objekteve të tyre.

Ata kanë bllokuar rrugën duke paralizuar edhe qarkullimin e automjeteve. Në këtë protestë banorët e Unazës së re u mbështetën edhe nga deputetë të PD, shkruan abcnews.al, përcjellë Klan Kosova.

Përmes zëdhënesës së saj, Ina Zhupa kjo forcë politike akuzoi qeverinë se të 3 fituesit për këtë projekt ishin të paracaktuar , sepse në tre tendera të ndryshëm ka qenë vetëm një ofertues i vlefshëm, ndërsa pjesëmarrësi i dytë, është futur për të legjitimuar tenderin dhe nuk ka bërë asnjë ofertë.