Kryeministri i Maqedonisë së Veriut, Talat Xhaferi ka bërë të ditur se kanë filluar punimet për ndërtimin e kopshtit për fëmijë në fshatin Mateç.

“Ndërtimi i kopshtit për fëmijë zgjidh probleme shumëdimensionale. Është kënaqësi e veçantë që në fshatin Mateç fillojmë me ndërtimin e kopshtit të ri për fëmijë”, ka shkruar Xhaferi në Facebook.

Ai tha se mbi 117 familje do të kenë kushte për përkujdesjen dhe edukimin e fëmijëve të vet.

“Mbi 117 familje do të kenë kushte për përkujdesjen dhe edukimin e fëmijëve të vet, në objekt bashkëkohor dhe të gjerë, prej foshnje deri në moshën 6 vjeçe, me kuzhinë të vet, duke u mundësuar prindërve të kontribuojnë në ekonominë tonë, të qetë se fëmijët e tyre janë të përkujdesur në mënyrë përkatëse”, ka shktuar ai./Arbresh.info/