Sot vendoset nëse do të ketë përsëritje të votimit në Preshevë

11:04 | 25 Dhjetor 2017
Arbresh.info

Dje janë mbajtur zgjedhjet lokale në Serbi.

Në Preshevë që është me shumicë shqiptare fitoren e ka shpallur Alternativa për Ndryshim me Shqiprim Arifin, transmeton portali arbresh.info

Ndërkohë Komisioni komunal i zgjedhjeve në Preshevë sot duhet të vendosë nëse do të ketë përsëritjen e mundshme të zgjedhjeve lokale në disa qendra votimi.

Sipas rezultateve paraprake, numrin më të madh të votave e fitoi Alternativa për Ndryshim, që është 37 për qind, tha Kryetari i Komisionit Komunal Zgjedhor në Preshevë, Zeqirja Miftari.

Sipas këtyre rezultateve, tetë listat zgjedhore që morën pjesë në zgjedhjet në Preshevë, katër nuk kaluan pragun, duke përfshirë listën serbe të Aleksandar Vuçiq – Për Serbinë unike, i cili fitoi 4.9 për qind të votave./Arbresh.info/