Konferencë me temë “Maqedonia drejt anëtarësimit të plotë në NATO” do të mbahet sot në Ministrinë e Punëve të Jashtme (MPJ).

Pjesëmarrësit në konferencë do të diskutojnë për tema lidhur me procesin e qasjes së Maqedonisë në NATO, reformat për përmbushjen e kritereve për anëtarësim, si dhe hapat e ndërmarrë për përmirësimin e marrëdhënieve fqinjësore, përcjell Telegrafi Maqedoni.

Konferencën do ta hap drejtori i Institutit për hetime gjeostrategjike dhe politikë të jashtme pranë MPJ-së, ambasadori Abdulkadër Memedi, ndërsa fjalime do të kenë edhe ministri Nikolla Dimitrov, si dhe ambasadorët Jess Baily dhe Tomas Gerbereich.

Në kuadër të konferencës do të mbahen edhe dy panele me tema: “Kontributi i NATO-s për sigurinë dhe stabilitetin në Ballkanin Perëndimor” dhe “Maqedonia dhe NATO: nga partneriteti aktiv, në anëtarësim të plotë”.