Shtetet e Bashkuara të Amerikës kanë përgëzuar partitë politike në Maqedoni,për marrëveshjen e arritur për themelimin e Prokurorit publik.

Shtetet e Bashkuara të Amerikës përmes Ambasadës së saj në Shkup kanë përgëzuar partitë politike në Maqedoni,për marrëveshjen e arritur sot për themelimin e Prokurorit publik, për hetimin e krimeve që dalin dhe kanë të bëjnë me përmbajtjen e komunikimeve të përgjuara në mënyrë joligjore, dhe për nominimin e Katica Janevës për këtë pozitë.

Edhe Komisioni evropian ka përshëndetur arritjen e marrëveshjes për emërimin e prokurorit special.

Maja Kocijançiq ka përcjellë porosinë deri te liderët politik që t’i japin mbështetjen e nevojshme Prokurorit special.

Prokurorja Katica Janeva sot pasdite u miratua me shumicë votash edhe nga Kuvendit të Maqedonisë.