Sërish protestë në Beograd kundër dhunës ndaj qytetarëve dhe parregullsive zgjedhore

19:40 | 26 Dhjetor 2023
E.H

Ka nisur edhe sot për herë të nëntë radhazi protesta e opozitës në Beograd të Serbisë kundër dhunës ndaj qytetarëve.

Protesta po mbahet edhe për shkak të parregullsive zgjedhorë para selisë së Komisionit Republikan të Zgjedhjeve (KQZ), nga ku kolona e protestës është nisur drejt Pallatit të Drejtësisë në Beograd, raporton N1 transmeton Arbresh.info.

Kërkesa kryesore e protestuesve është lirimi i studentëve ku rreth 30 prej tyre janë arrestuar pas protestës së zhvilluar të dielën.

Sonte për herë të parë është mbajtur protestë edhe në Kralevë.

Në Kraljevë, liderët e partive opozitare iu drejtuan turmës para Departamentit të Policisë në atë qytet.

Organizatorët e protestës kishin dhënë udhëzime që nëse shfaqen elementë që mund të shkaktojnë provokime, të mbahen larg vitrinave. Megjithatë, nuk u raportua asnjë incident./Arbresh.info