“Paralajmëruam se nëse ka hapa tjerë që çojnë drejt eskalimit të mëtejshëm të marrëdhënive mes Shkupit dhe Moskës, do të detyrohemi të përgjigjemi me kundërmasa”, deklaroi sot ambasadori i Rusisë në Maqedoni, Oleg Scherbak.

Duke u përgjigjur në pyetjet e gazetarëve pas vendosjes së luleve para përmendores së Juri Gagarin në Shkup, Scherbak tha se dëbimi i diplomatit rus nga Maqedonia ishte hap i përshpejtuar, pa mos u analizuar detajet, përcjell Telegrafi Maqedoni.

Para disa ditësh Ministria e Punëve të Jashtme e Maqedonisë vendosi që të dëbojë një diplomat rus, me arsyetimin se ai është përfshirë në aktivitete të dyshimta kundër Qeverisë së Maqedonisë.

Ndërsa për këtë rast reagoi edhe Ambasada e Rusisë në Shkup, duke thënë se pasojat e këtij veprimi do t’i bartë vetë shteti i Maqedonisë.