Presidenti serb, Aleksandar Vuçiq ka deklaruar se ditët e mëparshme nuk ishin të lehta për marrëdhëniet mes Serbisë dhe Gjermanisë, por sipas tij problemet duhet të zgjidhen me dialog të sinqertë.

Ai njëherësh tha se Gjermania është partneri numër një në bashkëpunimin ekonomik me vendin që ai drejton.

“Është e qartë se në sferën politike ka pasur gjëra që na ndanë, është e qartë se gjithçka në atë segment nuk do të jetë gjithmonë e lehtë edhe në të ardhmen, por faleminderit dhe jam plotësisht dakord me ju që ne mund dhe duhet t’i zgjidhim problemet. përmes dialogut, dialogut të ndershëm”, tha Vuçiq në ceremoninë  e vënies së gurthemelit të një fabrike gjermane ku foli edhe ambasadorja e këtij vendi në Serbi, Anke Konrad.

Me iniciativën e shtetit gjerman, në OKB u miratua Rezoluta për Srebrenicën të enjten e kaluar me 84 vota pro, 19 kundër dhe 68 abstenime.