Aleanca për Shqiptarët (ASH) dhe Alternativa (AAA) nuk do të marrin pjesë në ngjarjen qendrore kushtuar 20 vjetorit të Marrëveshjes Kornizë të Ohrit, e cila do të mbahet nesër në hotelin Alexander Palace.

Koordinatori i grupit parlamentar të AA dhe Altetrnativa, deputeti Skender Rexhepi tha për “Free Press” se ata nuk do të marrin pjesë në ngjarjen qendrore kushtuar 20 vjetorit të Marrëveshjes së Ohrit.

“Marrëveshja e Ohrit ishte arsyeja për t’i dhënë fund konfliktit të armatosur. Por kjo marrëveshje duhej të zbatohej plotësisht deri në fund të vitit 2004 dhe për fat të keq edhe pas 20 vitesh ne kemi shumë segmente që nuk zbatohen prej saj. Imagjinoni, u deshën 20 vjet për të gjetur origjinalin e dokumentit të shkruar, aq më pak për ta zbatuar atë. Prandaj, ne nuk do të marrim pjesë në këtë ngjarje sepse mendoj se është jodemokratike të manifestosh një kontratë të papërfunduar – thotë Rexhepi.

Ministria e Sistemit Politik dhe Marrëdhënieve Ndër-Komunitare thotë se drejtuesit e të gjitha partive politike shqiptare, dhe të gjitha partive të tjera, janë ftuar të marrin pjesë në festën qendrore.