Një tërmet mbrëmë ka goditur Shqipërinë, i cili është ndjerë edhe në territorin e Maqedonisë së Veriut.

Tërmeti ka qenë me magnitudë 3.1 ballë sipas shkallës Rihter, me epiqendër 22 kilometra në verilindje të Elbasanit dhe në thellësi 8 kilometra, përcjell Telegrafi Maqedoni.

Në njoftimin e Observatorit Sizmologjik pranë Fakultetit për Shkencë-Matematikë në Shkup thuhet se tërmeti është ndjerë në pjesën jugperëndimore të vendit, në Dibër dhe rrethinë, me intensitet prej tre shkallë sipas shkallës makrosizmike evropiane.

“Epiqendra e tërmetit ishte 127 kilometra në jugperëndim të Shkupit, në Republikën e Shqipërisë, me magnitudë lokale të Rihterit ML3.2”, shtojnë ata nga Observatori vendas.

#Earthquake 21 km NE of #Elbasan (#Albania) 18 min ago (local time 23:37:36). Updated map – Colored dots represent local shaking & damage level reported by eyewitnesses. Share your experience via:
?https://t.co/IbUfG7TFOL
?https://t.co/nfVC8JuCbT pic.twitter.com/PsexrcHEjt

— EMSC (@LastQuake) February 27, 2024