Qeveria e Maqedonisë së Veriut në mbledhjen e mbajtur mbrëmë ka shkarkuar dhe zgjedhur drejtorë të disa institucioneve.

Drejtor i Postave të Maqedonisë së veriut është emëruar Jani Makraduli, kuadër i LSDM-së, i cili deri tani ka qenë zv/minister i ekologjisë. Makraduli paraprakisht është zgjedhur anëtar i bordit drejtues të kësaj shoqërie aksionale me capital shtetëror, përcjell INA.

Jasna Dukovska – Jegeni është emëruar anëtare e Këshillit për përparim dhe mbikqyrje të rezivionit.

Deniz Ismaili është shkarkuar nga detyra e u.d të drejtorit të Drejtorisë për Prodhime të dedikuara, në vend të tij ushtrues detyre është zgjedhur Emil Dimitrovski. Lutfi Akiki është zgjedhur drejtor i Drejtorisë për bujqësi për farëra dhe të mbjellura.

Bajram Gjuliovski është shkarkuar nga detyra e u.d të postit të zv/drejtorit të Agjencisë për Rezerva të mallrave dhe në vend të tij është emëruar Keti Smilevska.

Jovan Despotovski është shkarkuar nga posti i drejtorit të Fondit për inovacione dhe zhvillim teknologjik.

Sllobodan Bliznakovski është emëruar drejtor i Agjencisë për emigracion, ndërsa Ilmi Selami në postin e zv/drejtorit Entit Shtetëror të Statistikave, edhe ate në cilësinë e ushtruesit të detyrës.